პიანისტთა თბილისის მერვე საერთაშორისო კონკურსი

1. ბელიავსკი სერგეი, გერმანია (02.11.1993)

2. ბრინ რეიჩელი, აშშ (12.10.1996)

3. ჩენ ჰაოიუ, ჩინეთი (15.10.2007)

4. ჩენგ ძიარუი, ჩინეთი (25.11.1998)

5. ფან იუანგი, ჩინეთი (08.04.2005)

6. ჰუანგ რონ მაქსიმი, გერმანია (03.07.2001)

7. კანგ დონგვი, სამხრეთ კორეა (28.02.2008)

8. კიმ სონ ჰიონი, სამხრეთ კორეა (01.10.2002)

9. კიმ სუნმინი, სამხრეთ კორეა (14.02.2002)

10. ლეო დე მარია, ესპანეთი (18.12.1995)

11. მერლინი ლეონარდო, იტალია (20.02.2003)

12. ლინ იქსიუ, ჩინეთი (09.10.2004)

13. მა ტიანკუნი, ჩინეთი (26.05.2007)

14. მაკლაჰლანი კალუმი, გაერთიანებული სამეფო (08.03.1999)

15. მიქელაძე საბა, საქართველო (11.02.2003)

16. მიაძატო მოტოში, იაპონია/შვეიცარია (07.05.1995)

17. პაიჭაძე ანა, საქართველო (15.05.2007)

18. შინ ჰიოჯინი, სამხრეთ კორეა (28.02.1997)

19. სკომოროხოვი ვლადიმირი (27.03.1999)

20. ტაჯიმა ჩიუნე, იაპონია (23.12.1998)

21. ვანგ კევინი, კანადა (30.04.2005)

22. ვანგ ტაიგე, აშშ (25.08.2010)

23. იე ფანჯოუ, ჩინეთი (28.11.2000)

24. იუ სონგ ჰო, სამხრეთ კორეა (29.08.1996)

25. იუ ტევუნგი, სამხრეთ კორეა (22.09.1998)

26. ჟანგ ჟიძიაო, ჩინეთი (15.04.1998)

27. ჟენგ ჰონგი (აარონი), ჩინეთი (19.07.2002)

           სათადარიგო სია

           1. აბდიელ კალვინი, ავსტრალია/ინდონეზია (23.01.2001)

           2. ბონე ანტონენი, საფრანგეთი (21.06.2001)

           3. ჩენ დევიდ ჯუნი, ჩინეთი (09.05.2002)

           4. ჩან ჰანსი, აშშ (20.12.1998)

           5. აინ გალ ნადავი, ისრაელი (22.01.2007)

           6. ესფორმეს იტამარი, ისრაელი (18.02.2001)

           7. ფუჯისავა არისა, იაპონია (29.09.1993)

           8. შემჩუკი ივანი, უკრაინა/რუმინეთი (26.11.1994)

           9. სუნ ჰაოლუნი, ჩინეთი (09.06.2004)

         10. ჯია მოჰანი, ჩინეთი (27.04.2007)

ნოტები: ნიკოლოზ ნამორაძე "Wasserspiel"

ფოტო: ნათან ელსონი

ნიკოლოზ ნამორაძე - პიანისტი და კომპოზიტორი - გამორჩეულია თავისი ინოვაციური არტისტიზმით. საერთაშორისო ყურადღება პირველად 2018 წელს მიიპყრო, როდესაც კანადაში, კალგარში გამართულ Honens-ის საერთაშორისო საფორტეპიანო კონკურსში გაიმარჯვა, რის შემდეგაც იგი ფართო საერთაშორისო აღიარებით სარგებლობს. Musical America-ს არტისტი, BBC Music Magazine-ის “ამომავალი ვარსკვლავი” და Gramophone-ის “One to Watch”, 2022 წელს ბრიტანეთის კრიტიკოსთა მიერ “წლის პიანისტი”-ს პრემიით დაჯილდოვდა. ანშლაგით ჩატარებული მისი კონცერტები მთელ მსოფლიოში მაღალი შეფასებებით აღინიშნება. მის ჩანაწერებს მოპოვებული აქვს ჯილდოები: Choc de Classica, Limelight-ის Record of the Month, BBC Music Magazine-ის Instrumental Disc of the Month, Gramophone-ის Editor’s Choice, Presto Classical-ის Editor’s Choice და International Piano-ს Critics’ Choice და ასევე, პირველი ადგილი გაერთიანებული სამეფოს კლასიკური ინსტრუმენტული ალბომების ჩარტში.

პიანისტი Ondine-ის ექსკლუზიური არტისტია და მისი პირველი ალბომი ამ ლეიბლით 2026 წლით თარიღდება.

მიმდინარე საკონცერტო სეზონის მანძილზე, ნიკოლოზ ნამორაძე მართავს ტურნეებს დიდ ბრიტანეთში, აშშ-ში, გერმანიაში, იაპონიასა და ტაივანში; და მონაწილეობს: Santa Fe Chamber Music Festival-ში, Cleveland Institute of Music-ში, Morningside Music Bridge-ში და University of Puget Sound-ში. მისი კონცერტები ტარდება ისეთ მნიშვნელოვან დარბაზებში, როგორიცაა Elbphilharmonie Hamburg, Kronberg Casals Forum, Prinzregententheater - მიუნხენში, Al Mayassa Theatre - დოჰაში, კაუფმანის ცენტრში, ნიუ იორკის Steinway Hall და Wigmore Hall - ლონდონში. კანადასა და დიდ ბრიტანეშთი, შემსრულებელი, ასევე წარმოადგენს თავის ინოვაციურ პროექტს - Neurorecital - რომელსაც ფართო გამოხმაურება მოჰყვა Financial Times, BBC Music Magazine, Classic FM და Radio Classique-ს მხრიდან.

მისი პროექტები, კონცერტის სრულიად ახალ გამოცდილებას მოიაზრებს - ლექცია- რეციტალების, მულტიმედიური წარმოდგენების და ინტერდისციპლინური თანამშრომლობების ფორმატით.

მისი, როგორც კომპოზიტორის საქმიანობის მნიშვნელოვანი მიმართულებები მოიცავს შეკვეთებსა და შესრულებებს ისეთი არტისტებისა და ანსამბლების მიერ, როგორებიც არიან კენ-დავიდ მასური, ლუკას ლიგეტი, ტესა ლარკი, ანსამბლი მეტროპოლისი და კვარტეტები: Momenta, Verona და Barkada; ასევე ჩელსის, ჰონენსის, პორტლანდის, სანტა ფეს, და რუჰის საერთაშორისო მუსიკალურ ფესტივალებს. მისი რამდენიმე ალბომი გამოცემულია Steinway & Sons-ის ლეიბლით.

ნამორაძეს, ასევე, შექმნილი აქვს ფილმების საუნდტრეკები; მათ შორის Le chant des étoiles (Musée Unterlinden-ისთვის) და Nuit d’opéra à Aix (Festival d’Aix-en-Provence-თან თანამშრომლობით).

მისი ნაწარმოებები  გამოცემულია იაპონური გამომცემლობის Muse Press მიერ.

ნიკოლოზ ნამორაძე აქტიურად მუშაობს შესრულების ახალი ფორმების განვითარებაზე და აუდიტორიასთან ურთიერთობის ინოვაციურ გზებზე, რასაც მისი კოგნიტური მეცნიერებების მიმართულებით მიღებული განათლებაც განაპირობებს. მისი სადოქტორო ნაშრომი CUNY Graduate Center-ში, რომელიც ბარი ბრუკის პრემიის ლაურეატი გახდა, Springer-ის მიერ გამოიცა წიგნად Ligeti’s Macroharmonies.

დაბადებული თბილისში, ნიკოლოზ ნამორაძე გაიზარდა ბუდაპეშტში; სწავლობდა ისეთ პედაგოგებთან, როგორებიც არიან ემანუელ აქსი, იოჰოვედ კაპლინსკი, ზოლტან კოშიჩი, მატი რაეკალიო, ანდრას შიფი, ელისო ვირსალაძე და ჯონ კორილიანო - კომპოზიციის მიმართულებით.

ამჟამად იგი ასწავლის ნიუ იორკის CUNY Graduate Center-ში და თანამშრომლობს The Juilliard School-თან.

1. პიანისტთა თბილისის მერვე საერთაშორისო კონკურსი ჩატარდება თბილისში 2026 წლის 5 -16 ოქტომბერს.

2. კონკურსი იმართება 4 წელიწადში ერთხელ.

3. კონკურსში მონაწილეობის მიღება შეუძლია ყველა მუსიკოსს, 16-დან 33 წლის ასაკის ჩათვლით.

4. ყველა კონკურსანტი ვალდებულია ჰქონდეს ჯანმრთელობის დაზღვევა კონკურსის მსვლელობის მანძილზე/თბილისში, საქართველოში ვიზიტის განმავლობაში.

5. კონკურსანტი, რომელსაც ჰქონდა ან აქვს ჟიურის რომელიმე წევრთან ნათესაური, საგანმანათლებლო ან პროფესიული ურთიერთობა (მასტერ კლასები, ასეთად, არ განიხილება) უკანასკნელი ხუთი წლის განმავლობაში, ვალდებულია აცნობოს ამის შესახებ კონკურსის სამხატვრო ხელმძღვანელს/ადმინისტრაციას.​

6. კონკურსის წინა შესარჩევ მოსმენაზე პასუხისმგებელია სამი წევრისაგან შემდგარი ჟიური, რომელიც, აპლიკანტთა შორის შეარჩევს 25 კონკურსანტს.

7. კონკურსი ტარდება ოთხ ტურად: I და II ტური, III - ნახევარფინალი და IV - ფინალი.

8. პირველი ტურის შემდეგ კონკურსს არ გამოეთიშება არც ერთი მონაწილე: I და II ტურს წარმოადგენს ყველა კონკურსანტი.  

9. ნახევარფინალში დაიშვება 10 მონაწილე, ფინალში კი - 6.

10. ყველა მოსმენა საჯაროა.

11. პროგრამა, გარდა სავალდებულო ქართული ნაწარმოებისა, სრულდება ზეპირად.

12. პროგრამის შესრულების თანმიმდევრობა ნებაყოფლობითია.

13. ტურებში ნაწარმოებების გამეორება არ შეიძლება.

14. საკონკურსო პროგრამაში დასაშვებია ნაწარმოების/ნაწარმოებების გამეორება წინა შესარჩევი ვიდეო - ჩანაწერიდან.

15. წარმოდგენილ პროგრამებში ცვლილებები დაუშვებელია.

16. მონაწილეთა გამოსვლის თანმიმდევრობას გადაწყვეტს კენჭისყრა. ეს თანმიმდევრობა შენარჩუნდება კონკურსის ბოლომდე.

17. ყოველი მონაწილე ვალდებულია დაესწროს კენჭისყრას, რომელიც ჩატარდება 2026 წლის 5 ოქტომბერს.

18. ნახევარფინალის მონაწილეებს გადაეცემათ სერტიფიკატები.

19. ყველა ფინალისტი დაჯილდოვდება ფულადი პრემიით, კონკურსის მედლითა და დიპლომით.

20. ყველა მთავარი და სპეციალური პრემია გაიცემა ჟიურის გადაწყვეტილების საფუძველზე.

21. კონკურსში გამარჯვებულებმა მონაწილეობა უნდა მიიღონ დასკვნით კონცერტში - ანაზღაურების გარეშე.

22. კონკურსის მსვლელობის დროს გაკეთებული ყველა სახის ჩანაწერის გამოყენება დასაშვებია მხოლოდ კონკურსის დირექციასთან შეთანხმებით.

23. კონკურსის ოთხივე ტურის ჩანაწერები განთავსდება „საქართველოს მუსიკალური კონკურსების ფონდი“- ს ოფიციალურ ვებ-გვერდზე.

I ტური (20-25 წუთი)

1. დ. სკარლატი - ორი ნებისმიერი  სონატა
2. ფ. შოპენი - ერთი ვირტუოზული ეტიუდი 

3. ნებისმიერი კომპოზიტორის (გარდა ფ. შოპენისა) ერთი ეტიუდი
4. ერთი ან რამდენიმე ნაწარმოები საკუთარი არჩევანით

II ტური (35-40 წუთი)

1. ი. ჰაიდნის, ვ.ა. მოცარტის, ლ.ვ. ბეთჰოვენის ან ფ. შუბერტის ერთი სრული სონატა
2. ქართველი კომპოზიტორის საკონკურსო ნაწარმოები (5-7 წუთი)* 
3. ერთი ან რამდენიმე ნაწარმოები საკუთარი არჩევანით

*ნაწარმოების ნოტები განთავსდება კონკურსის ვებ-გვერდზე არა უგვიანეს 2026 წლის 1 ივნისისა

III ტური (ნახევარფინალი) (55-60 წუთი)

რეციტალი

თავისუფალი პროგრამა კონკურსანტის არჩევანით

IV ტური (ფინალი)
ერთი კონცერტი სიმფონიური ორკესტრის თანხლებით შემდეგი ჩამონათვალიდან:

ვ. ა. მოცარტი - კონცერტები: 

• მი-ბემოლ მაჟორი კ.271
• სი-ბემოლ მაჟორი კ.450 
• სოლ მაჟორი კ.453  
• სი-ბემოლ მაჟორი კ.456 
• რე მინორი კ.466 
• დო მაჟორი კ.467 
• მი-ბემოლ მაჟორი კ.482 
• ლა მაჟორი კ.488 
• დო მინორი კ.491 
• დო მაჟორი კ.503 
• რე მაჟორი კ.537
• სი-ბემოლ მაჟორი კ.595

ლ. ვ. ბეთჰოვენი​ - კონცერტები:

• N1დო მაჟორი, თხზ.15
• N2 სი - ბემოლ მაჟორი, თხზ.19
• N3 დომინორი, თხზ.37
• N4 სოლ მაჟორი, თხზ.58
• N5 მი-ბემოლ მაჟორი, თხზ.73

ფ. შოპენი - კონცერტები:

• N1 მიმინორი, თხზ.11
• N2 ფამინორი, თხზ.21

ფ. ლისტი - კონცერტები:

• N1 მი-ბემოლ მაჟორი, S.124
• N2 ლა მაჟორი, S.125

რ. შუმანი - კონცერტი:

• ლა მინორი, თხზ.54

ი. ბრამსი - კონცერტები:

• N1 რე მინორი, თხზ.15
• N2 სი-ბემოლ მაჟორი, თხზ.83

პ. ჩაიკოვსკი - კონცერტი:

• N1 სი-ბემოლ მინორი, თხზ.23

ს. რახმანინოვი - კონცერტები:

• N2 დო მინორი, თხზ.18
• N3 რე მინორი, თხზ.30
• რაფსოდია პაგანინის თემაზე, თხზ.43

ს. პროკოფიევი - კონცერტები:

• N2 სოლ მინორი, თხზ.16
• N3 დო მაჟორი, თხზ.26

ანკეტა-განაცხადი, საბუთები (PDF ფაილით) და ვიდეო ჩანაწერი უნდა გამოიგზავნოს ერთდროულად:

• მაღალი ხარისხის ვიდეო ჩანაწერი: 

​           25-30 წუთის ხანგრძლივობის პროგრამა უნდა მოიცავდეს: 

           1. შოპენის ერთი ეტიუდი
           2. კლასიკური სონატის ორი ნაწილი (ი. ჰაიდნი, ვ.ა. მოცარტი, ლ.ვ. ბეთჰოვენი, ფ. შუბერტი)
           3. ნებისმიერი ნაწარმოები ან ნაწარმოებები

* ნებადართულია იგივე ნაწარმოებების (ნაწილობრივ ან სრულად) გამოყენება საკონკურსო პროგრამაში

* ჩანაწერის ხანდაზმულობა, გამოგზავნის დროისათვის, არ უნდა აღემატებოდეს 1 წელიწადს

* დამონტაჟებული ჩანაწერი არ დაიშვება

• პირადობის დამადასტურებელი მოწმობის ასლი;
• განათლების მოწმობის ასლი;
• მნიშვნელოვანი კონკურსების დიპლომების და ჯილდოების ასლები 2023-2026 წწ.;
• შემოქმედებითი ავტობიოგრაფია;
• ორი ცნობილი მუსიკალური მოღვაწის რეკომენდაცია;
• ბოლო პერიოდის მაღალი ხარისხის 2 ფოტოსურათი (JPG ფაილით)
• საერთაშორისო მუსიკალური კონკურსების მსოფლიო ფედერაციის წევრი (WFIMC) კონკურსების პირველი სამი პრემიის მფლობელი თავისუფლდება შესარჩევი მოსმენისაგან; მონაწილე ვალდებულია წარმოადგინოს დიპლომის ასლი;
• შესატანი თანხის (100 აშშ დოლარის ექვივალენტი ლარში) საბანკო გადახდის დამადასტურებელი დოკუმენტი - აპლიკანტის გვარის მითითებით.    

* გადარიცხვასთან დაკავშირებული ხარჯები უნდა გაიღოს განმცხადებელმა;

* საბანკო გადარიცხვის დოკუმენტზე მითითებული უნდა იყოს იმ ბანკის დასახელება და მისამართი, რომლითაც აგზავნით შესატანს

1. ჟიურის წევრი, რომელსაც ჰქონდა ან აქვს კონკურსანტთან ნათესაური, საგანმანათლებლო ან პროფესიული ურთიერთობა* უკანასკნელი ხუთი წლის განმავლობაში, ვალდებულია აცნობოს ამის შესახებ კონკურსის სამხატვრო ხელმძღვანელს. ასეთ შემთხვევაში, ჟიურის ეს წევრი, აღნიშნული კონკურსანტის შეფასების მიზნით, კენჭისყრის პროცესში მონაწილეობას არ მიიღებს.

                  *მასტერ კლასები, მსგავს ურთიერთობად, არ განიხილება.

2. კონკურსის ჟიურის უფლება აქვს:
   • არ გასცეს რომელიმე პრემია.
   • გაყოს პრემია/პრემიები, I პრემიის გარდა, ფინალის მონაწილეთა დადგენილი რაოდენობის ფარგლებში.

3. ჟიურის გადაწყვეტილება საბოლოოა და გადახედვას არ ექვემდებარება.

I   პრემია    20, 000 აშშ დოლარი

II  პრემია    10, 000  აშშ დოლარი
III პრემია      7, 000  აშშ დოლარი
IV პრემია      5, 000  აშშ დოლარი
V  პრემია      4, 000  აშშ დოლარი
VI პრემია      3, 000  აშშ დოლარი

* მოცემული ციფრები წარმოადგენს ხელზე მისაღებ თანხებს.

პრემიების დაბეგვრას, საქართველოს საგადასახადო კანონმდებლობით გათვალისწინებული ნორმების დაცვით, უზრუნველყოფს “საქართველოს მუსიკალური კონკურსების ფონდი”

კონსერვატორიის დიდი დარბაზი აიგო 1938-1941 წლებში (არქ. შალვა თავაძე). იგი საზეიმოდ გაიხსნა 1942 წლის 28 იანვარს.

მომდევნო წლებში გაჩნდა იდეა, საოპერო სტუდიას დიდ დარბაზში დაედგა ზ. ფალიაშვილის ოპერა “აბესალომ და ეთერი”. ამ იდეის განხორციელებისათვის საჭირო გახდა სცენის რეკონსტრუქცია - დამონტაჟდა საორკესტრო ორმო. ამრიგად, საოპერო სტუდიამ პირველი სპექტაკლი 1952 წელს წარმოადგინა.

1963 წელს მოხდა კონსერვატორიის დიდ დარბაზში “Alexander Schuke Potsdam” - ის ფირმის 3 მანუალიანი, 40 რეგისტრიანი ორგანის კურთხევა. მისი ტემბრული და რეგისტრული თავისებურებები დარბაზის აკუსტიკაზე იყო გათვლილი. წლების მანძილზე მასზე უკრავდნენ ცნობილი ორგანისტები, მათ შორის: ისაი ბრაუდო, ჟან გიიუ, ჯეიმს დალტონი, ჰუგო ლეპნურმი, ლეონიდ როიზმანი, ვალტერ შეტელიხი, გარი გროდბერგი, რუდოლფ ლუტცი და სხვა. დიდი დარბაზის ორგანთან არის დაკავშირებული ცნობილი ქართველი ორგანისტის ეთერ მგალობლიშვილის მოღვაწეობა.

10 წლის მანძილზე (1987-1997) დიდი დარბაზი არ ფუნქციონირებდა. მისი აღდგენა და განახლება მოხდა ქართველი პიანისტის, პიანისტთა თბილისის საერთაშორისო კონკურსის დამფუძნებლისა და 2022 წლის ჩათვლით, მისი სამხატვრო ხელმძღვანელის, თბილისის სახელმწიფო კონსერვატორიის პროფესორის - მანანა დოიჯაშვილის ინიციატივითა და საქართველოს მთავრობის დახმარებით, რის შედეგადაც დარბაზი, კვლავ დაუბრუნდა დედაქალაქის კულტურულ ცხოვრებას. მომდევნო, 1998 წელს, საქართველოს პარლამენტის და გერმანიის რესპუბლიკის ერთობლივი ძალისხმევით ჩატარდა ორგანის რესტავრაცია.

დიდი დარბაზი გათვლილია 500 ადგილზე, გამოირჩევა შესანიშნავი აკუსტიკით, გათვალისწინებულია როგორც კამერული, ისე სიმფონიური მუსიკის კონცერტებისათვის. დიდ დარბაზს აქვს ციფრული ხმის ჩამწერი სტუდია, ორგანი, “Steinway & Sons” ფირმის ორი საკონცერტო როიალი და ყველა ის რესურსი, რომელიც პასუხობს თანამედროვე საკონცერტო დარბაზების საერთაშორისო სტანდარტებს.

1998  წლიდან დღემდე დიდ დარბაზში ტარდება ყოველწლიური საერთაშორისო ფესტივალი “საახალწლო მუსიკალური შეხვედრები”, რომელშიც მონაწილეობენ თანამედროვეობის გამოჩენილი მუსიკოს-შემსრულებლები. აგრეთვე, სისტემატურად იმართება კლასიკური და ხალხური მუსიკის კონცერტები, მრავალხმიანობის საერთაშორისო სიმპოზიუმები, ეროვნული თუ საერთაშორისო კონკურსები, ფესტივალები, ჯაზის საღამოები, სამხატვრო გამოფენები, წიგნებისა და დისკების პრეზენტაციები; საოპერო სტუდიის სპექტაკლები და სტუდენტთა აკადემიური კონცერტები.