ფრედერიკ შოპენის სახელობის ნორჩ პიანისტთა კონკურსი

"ფრედერიკ შოპენის სახ. ნორჩ პიანისტთა კონკურსი" დაარსდა "საქართველოს მუსიკალური კონკურსების ფონდის" მიერ საქართველოში პოლონეთის საელჩოს მხარდაჭერით. კონკურსი ტარდება 2 წელიწადში ერთხელ და მასში მონაწილეობა შეუძლია 12–16 წლის ჩათვლით საქართველოს ყველა რეგიონის პიანისტს.

ფრედერიკ შოპენის სახელობის ნორჩ პიანისტთა III კონკურსი გაიმართა ქ. თბილისში 2013     წლის 30 აპრილს/1 მაისს. კონკურსში მონაწილეობდა 12 მუსიკოსი (12-დან 16 წლის  ჩათვლით) საქართველოს სხვადასხვა რეგიონიდან; კენჭისყრა -  29 აპრილი, 11.00 სთ. - და საკონკურსო მოსმენა ერთ ტურად -30 აპრილი - ჩატარდა კონსერვატორიის მცირე   დარბაზში; გამარჯვებულთა საზეიმო დაჯილდოება და გალა-კონცერტი გაიმართა 1 მაისს კონსერვატორიის დიდ დარბაზში 18.00 სთ-ზე; ასევე, კონცერტში მონაწილეობა მიიღო დუეტმა პოლონეთიდან “Cracow Duo”, მარეკ შლეზერის (ფორტეპიანო) და იან კალინოვსკის (ჩელო) მონაწილეობით.

კონკურსის ჩატარების პირობები

1.  კონკურსი ტარდება ერთ ტურად;
2. მონაწილეები თვითონ იხდიან მგზავრობისა და საცხოვრებლის საფასურს;
3. მოსმენა საჯაროა;
4. პროგრამა სრულდება ზეპირად;
5. წარმოდგენილ პროგრამებში ცვლილებები არ მიიღება;
6. ნაწარმოების შესრულების ხანგრძლივობა ზუსტად უნდა იყოს მითითებული;
7. მონაწილეთა გამოსვლის თანმიმდევრობას გადაწყვეტს კენჭისყრა;
8. ჟიურის გადაწყვეტილება საბოლოოა და გადახედვას არ ექვემდებარება;
9. ჟიურის უფლება აქვს არ გასცეს ყველა პრემია;
10. კონკურსის მსვლელობისას გაკეთებული ყველა სახის ჩანაწერი "საქართველოს მუსიკალური კონკურსების ფონდის"
საკუთრებაა.

პროგრამა (25-30 წუთი)

1. შოპენის ერთ-ერთი ეტიუდი შემდეგი ჩამონათვალიდან - თხზ. 10 N4, 5, 7, 8; თხზ. 25 N3, 5

2. შოპენის ერთი ან რამოდენიმე ნაწარმოები

3. ქართველი კომპოზიტორის ნაწარმოები (არა უმეტეს 6 წუთისა)

პრემიები

I პრემია – 1500 ლარი

II პრემია  – 800 ლარი

III პრემია – 500 ლარი

სპეციალური პრიზები და პრემიები

• "არტისტიზმისათვის"

• `"ქართველი კომპოზიტორის ნაწარმოების საუკეთესო შესრულებისათვის"