ფრედერიკ შოპენის სახელობის ნორჩ პიანისტთა კონკურსი

"ფრედერიკ შოპენის სახ. ნორჩ პიანისტთა კონკურსი" დაარსდა "საქართველოს მუსიკალური კონკურსების ფონდის" მიერ საქართველოში პოლონეთის საელჩოს მხარდაჭერით. კონკურსი ტარდება 3 წელიწადში ერთხელ და მასში მონაწილეობა შეუძლია 12–16 წლის ჩათვლით საქართველოს ყველა რეგიონის პიანისტს.

ფრედერიკ შოპენის სახელობის ნორჩ პიანისტთა IV კონკურსი გაიმართა ქ. თბილისში 2015 წლის 12-13 დეკემბერს. კონკურსში მონაწილეობდა 11 მუსიკოსი (12-დან 16 წლის  ჩათვლით) საქართველოს სხვადასხვა რეგიონიდან; კენჭისყრა - 11 დეკემბერი, 11.00 სთ. - და საკონკურსო მოსმენა ერთ ტურად - 12 დეკემბერი - ჩატარდა კონსერვატორიის მცირე დარბაზში. გამარჯვებულთა დაჯილდოება და კონცერტი გაიმართა 13 დეკემბერს კონსერვატორიის დიდ დარბაზში 19.00 სთ-ზე.

 

კონკურსის ჩატარების პირობები

1.  კონკურსი ტარდება ერთ ტურად;
2. მონაწილეები თვითონ იხდიან მგზავრობისა და საცხოვრებლის საფასურს;
3. მოსმენა საჯაროა;
4. პროგრამა სრულდება ზეპირად;
5. წარმოდგენილ პროგრამებში ცვლილებები არ მიიღება;
6. ნაწარმოების შესრულების ხანგრძლივობა ზუსტად უნდა იყოს მითითებული;
7. მონაწილეთა გამოსვლის თანმიმდევრობას გადაწყვეტს კენჭისყრა;
8. ჟიურის გადაწყვეტილება საბოლოოა და გადახედვას არ ექვემდებარება;
9. ჟიურის უფლება აქვს არ გასცეს ყველა პრემია;
10. კონკურსის მსვლელობისას გაკეთებული ყველა სახის ჩანაწერი "საქართველოს მუსიკალური კონკურსების ფონდის"
საკუთრებაა.

 

პროგრამა (30 წუთი)

1. შოპენის ერთ-ერთი ეტიუდი (გარდა - თხზ. 10 N3,6; თხზ. 25 N7)

2. შოპენის ერთი ან რამოდენიმე ნაწარმოები

3. ქართველი კომპოზიტორის ნაწარმოები (არა უმეტეს 6 წუთისა)

 

პრემიები

I პრემია – 1500 ლარი

II პრემია  – 800 ლარი

III პრემია – 500 ლარი

 

სპეციალური პრიზები და პრემიები

• "არტისტიზმისათვის"

• `"ქართველი კომპოზიტორის ნაწარმოების საუკეთესო შესრულებისათვის"